હવે ગેસની આંચ ધીમી રાખી એક નોનસ્ટીક પેન લઈ તેમાં ઘી અને તેલ ઉમેરવું.ત્યારબાદ તેમાં જીરું ઉમેરી ૩૦ સેકન્ડ માટે શેકી લેવું.હવે તેમાં તજ,તમાલપત્ર અને લવિંગ નાંખી તેમાં ઝીણી સમારેલી ડુંગળી ઉમેરવી.ડુંગળી ગોલ્ડન બ્રાઉન થાય ત્યાં સુધી સાંતળવી.

ડુંગળી સંતળાય જાય પછી તેમાં આદુ લસણની પેસ્ટ અને ટામેટાંની પેસ્ટ ઉમેરી તેને હલાવતા જઇ બરાબર સાંતળી લેવું.સંતળાય જાય પછી તેમાં લાલ મરચું પાઉડર,હળદર અને ધાણાજીરું પાઉડર નાંખી બરાબર મિક્સ કરી લેવું.હવે ગેસની આંચ ધીમી કરી તેમાં ૩ ચમચી ફેંટેલું દહીં ઉમેરી તેને બરાબર હલાવી લઈ તેમાં ૧ મોટી વાટકી પાણી અને મીઠું ઉમેરી હલાવી લેવું.હવે ઢાંકીને તેને ૫ મિનિટ થવા દેવું.

હવે તેમાં ફ્રાય કરેલા પનીર ઉમેરી તેને ગ્રેવી સાથે સારી રીતે મિક્સ કરી લેવા.ત્યારબાદ તેમાં ગરમ મસાલો અને કસુરી મેથીને હાથની હથેળીની મદદથી ક્રશ કરી શાકમાં ઉમેરવી.કસુરી મેથીને તવી પર લઈ તેને ૫ સેકન્ડ માટે શેકી લેવી. ત્યારબાદ ૨ મિનિટ પછી ગેસ બંધ કરી તેને નાન,બટર રોટી,ભાખરી અને રોટલી સાથે ગરમાગરમ સવૅ કરો.