ونولي انا نحب نفور التفويرة اللولة على التقلية ندهن الشخشوخة وهيا يابسة بالزيت مليح ونحطها تفور التفويرة اللولة

وكي نحيها وهيا في الكسكاس نسومها ونقطرها ونشرحها في القصعة تشيح ونمرق البرمة بالماء الساخن

كي تنشف الشخشوخة نزيد ندهنها بالزيت بصح نقصو الكمية على المرة اللولة ونردوها تفور التفويرة الثانية

كي نحيها نحط قطع البطاطا في المرقة ونخليها طيب مع الدجاج ونحي راس المرقة (هداك ليدام لي تشكل من فوق)ونصبو على الشخشوخة ونخلط ونخليها بجيه

كي طيب المرقة تاعنا نجمر الشخشوخة غير بشوية متخطوهاش بزاف باش متعجنش ونقدمها مع الحمص والدجاج لي كنت حمرتو مع البطاطا في ملعقة زبدة وملعقة زيت والبصحة