في القصعة نوضع الزبدة بحرارة المطبخ وسنيدة نطحنوها شوية وقبصة من الملح ونخلطو الكل مزيان ونضيف الزيت ونخلط حتى يتجانس الكل نعطوهم الوقت ونزيد البيض ونعود نخلطهم مزيان ونضيف الدقيق الفورص بتدريج حتى يجمع لينا العجين مايكون قاسح مايكون رطب بزاف "مابين وبين"

ونقسمه على 3 الجزء الاول نضيف ليه نكهة ناطة والتاني نكهة الفانيلا والثالث نكهة الكرامل ونحتفظ بهم فبلاستيكة الى كان الوقت نخلو عجين صابلي يبات ليلة كاملة فالتلاجة والى كنت زربانين دخلوه لمجمد نصف ساعة وخدم به

وتبسطه مابين بلاستيكة حتى تحصل على سمك متوسط شوية ودخلوه لفرن على عافية مهيلة حتى يتحمر شوية وبصحة والعافية