ندهن الصينية سمنة بكمية جيدة ونحط المرقة السخنة جداا في صينية تانية ونبدأ نبلل الرقاق في المرقة ونحطه في الصينية المدهونة وبعد كل واحدة رقاق ملعقة من السمنة السايحة

بعد ما نحط ٣ او ٤ طبقات رقاق نحط لحمة مفرومة وبعدين ٣ طبقات رقاق تاني وبعدين لحمة مفرومة وبعدين ٤ طبقات رقاق ومننساش السمنة بين طبقات الرقاق (السممة تكون سايحة علشان متحطيش كتير والرقاق بيطلع دسم قوي)

نولع النار على البوتوجاز وسط ونحط الصينية ونبدأ نلفها بفوطة قماش كل كام ثانية ولما تشمي ريحتها ارفعي حرفها بشوكة او ملعقة وبصي لو لقتيها اخدت اللون الدهبي اقلبيها : حطي طبق مقلوب قد الصينيه عليها وامسكي بفوطة المطبخ كويس واقلبي الصينية وانت مثبته الطبق عليها كده الرقاق هيبقا على الطبق ، ادهني الصينية سمنة ونزلي فيها الرقاق وكرري تاني التسوية على البوتوجاز من الناحية التانية

لو حابة الرقاق بيقرمش قدميه كدا ولو بيتحبيه طري بعد ما تخلصي سوا حطي كبشة مرقة وغطي الصينية دقيقتين وبعدين قطعيها ، بالف هنا وشفا