एका पातेल्यात दूध घेऊन गरम करायला ठेवायचे. लगेच त्यात साखर घालून एकसारखे हलवायचे. साखर पूर्ण विरघळून झाल्यानंतर गॅस मध्यम आचेवर ठेवायचा.

असेच मिश्रण थीक होईपर्यंत एकसारखे हलवत राहायचे आहे. कडेने जमलेली मलई सुद्धा त्यातच घेऊन घुसळून दूध आटवायचे आहे.

थोड्या वेळानंतर कंडेन्स मिल्क सारखे दिसायला लागल्यानंतर आपल्याला कळते तेव्हा गॅस बंद करायचा.

बंद केल्यावर लगेचच त्यात सोडा घालायचा आणि पटकन एकसारखे हलवायचे आहे. सोडा घातल्यामुळे थोडा फेस येतो. एकसारखे हालवल्यानंतर फेस निघून जातो आणि आपले कंडेन्स मिल्क तयार होते. असेच थोडावेळ हलवत राहायचे कारण वर मलाई जमू द्यायची नाहीये.

तयार आहे आपले होममेड कंडेन्स्ड मिल्क... याला तुम्ही कोणतीही मिठाई करताना किंवा केक करताना वापरू शकता. अगदी बाजारातून आणलेल्या सारखी याचीच होते. 😍😍