نخلط كل المكونات مع بعضها و نعجن منيح لمده ربع ساعة متواصله واذا حسينا العجينه كتير رخوة فينا نزيد شوي طحين لتمسك بس ضروري تكون عجينه لينه كتيى بعد هيك منترك العجينه ترتاح ساعة.

بعد هيك نرش رشه طحين خفيفه بدون مبالغه و منفرد العجين رغيف سميك ومنقطع بغطا غلايه قهوة كبيره وبالنص بغطا قنينه لتتشكل شكل الدوناتس معنا ونترك الدوناتس ترتاح كمان نص ساعة.

بعد هيك نحمي الزيت على النار منيح و نقلي الدوناتس منلاحظ حجمها تضاعف بس يصير لون ذهبي على اطرافها نقلبها ونتركها شوي ونشيلها على صينيه عليها محارم مطبخ لتشرب الزيت وتنشف الدوناتس.

بعد م نخلص قلي وتبرد نزين بصوص الشوكولاتة يلي هو عباره عن نستله حليب مكثف محلى مخلوط مع كاكاو. نضع وجي الدوناتس بصحن الصوص ونشيلها ونزين بفيرميسال او اي شي تحبوه...

الف صحة وهنا بنصح الجميع يجربها و يدعيلي. ملاحظه اخفقو البيض على جنب مع حليب وسكر وخميره وبعدين ضيفو على الباقي اريح بالعجين