बाहेरील आवरणासाठी कणिक, तेल, २ चिमूट मीठ घालून पीठ भिजवून घ्या. फार सैल नको आणि फार घट्ट ही नको.

सारण बनवण्यासाठी -
भाजलेले शेंगदाणे आणि गूळ मिक्सर मध्ये फिरवून बारीक करून घ्या. शेंगदाण्याची सालं नाही काढली तरी चालतात. जरा ओलसर मिश्रण होईल. मिश्रण ताटलीत काढून घ्या. 

पिठाचे २ छोटे गोळे घेऊन २ पुऱ्या लाटून घ्या.

हलक्या हाताने पोळी लाटून घ्या.

कडा सुरीने / कातण्याने कापून काढून टाका.

पोळी मध्यम आचेवर दोन्ही बाजूनी खरपूस भाजून घ्या.

खमंग खुसखुशीत शेंगदाण्याची पोळी साजूक तुपाबरोबर खायला द्या.

शेंगदाण्याच्या पोळ्या फ्रिजमध्ये ठेवू नका. ४-५ दिवस टिकतात.