اول شي بحمس اللحمة مع السمن البلدي حتى تنشف وبحط الفول وبقلبهم على نار هادية مع إضافة الملح والفلفل الأسود المطحون

بس تقرب تستوي حبة الفول بضيف مي سخني وبتركهم يغلو عشر دقايق

الرز طبعا مغسول ومنقوع ومصفي من المي بضيفوا فوق الفول ومابحركهم حتى بس نقلبها يكون منظرها حلو

بزبط الملح وبحط رشة بهار مشكل وبغطي الطنجرة حتى الرز يتفتح

بس يستوي الرز بكمر الطنجرة بغطا وبتركه ٥ دقايق بعدين بشيل الغطا وبفتح الطنجرة وبقلبا هي الطريقة علمتني ياها حماتي للمقلوبي بأنواعها حتى ما يبقى شي ملزق بالطنجرة وبتنزل معك متل القالب وبزينا بالمكسرات

بتتقدم جنبها سلطة او لبن بخيار

دعواتكم لي بالخير اخواتي 😘 الرجاء عدم التعليق الا من السيدات