आधी पिझ्झासाठी कणिक मळून घ्यायची त्यासाठी 1 कप कोमट पाण्यात सरवर विरघळवायची आणि त्यात ड्राय यीस्ट घालून 10 मिनिटींसाठी झाकून ठेवायचे तोपर्यंत गव्हाच्या पिठात मीठ बेकिंग पावडर आणि सोडा घालून मिक्स करून घ्यायचे आता त्यात यीस्ट घातलेले कोमट पाणी आणि तेल घालायचे मिक्स करायचे लागेल तसे हळू हळू राहिलेले कोमट पाणी घालून कणिक मळून घ्यायची कणकेचे भांड्यावर प्लास्टिक पेपर रॅप करून गरम ठिकाणी 1 तास फरमेंट व्हायला ठेवायचे एका तासाने कणकेची साईज डबल होते

कणिक फरमेंट होईपर्यंत पेस्टो सॉस बनकन घ्यायची. त्यासाठी पालक आणि मेथी स्वच्छ धुवून मीठाच्या गरम पाण्यात ब्लांच करून घ्यायची. पालक व मेथी गार झाल्यावर त्यात चीझ, लसूण, मिरेपूड, लिंबूरस, मीठ घालून मिक्सरमध्ये वाटून स्मूथ पेस्ट करून घ्यायची.

प्रॉन्स स्वच्छ धुवून त्यात सर्व साहित्य मिक्स करून 15 मिनिटे मॅरिनेट करून घ्यावे. नंतर तव्यावर थोडे तेल घालून प्रॉन्स शॅलो फ्राय करून घ्यावेत.

आता कणकेचे 4 समान भाग करून घ्यायचे. दुसरीकडे एका पसरट कढईमध्ये गरम भांड्याचे स्टॅन्ड ठेवायचे आणि झाकण ठेऊन कढई प्रिहिट करायला ठेवायची. आता कणकेच्या गोळ्याचा 7 इंचाचा थोडा जाडसर लाटा लाटून घ्यायचा.

ही लाटलेली पोळी 7 इंचाच्या प्लेटमध्ये मक्याचे पीठ भरूभुरून ठेवलेल्या प्लेटमध्ये ठेवायची. त्यावर काटा चमच्याने टोच्या मारून घ्यायच्या त्यावर पेस्टो सॉस पसरवून घ्यायचा त्यावर सगळीकडे चिझ घालायचे. त्यावर प्रॉन्स, कांदा, ऑलिव्हस सगळीकडे पसरवून घ्यायचे. त्यावर ऑरेगानो, चिली फ्लेक्स भुरभुरायचा.

आता ही प्लेट प्रिहिट केलेल्या कढईमध्ये ठेवायची. पहिले 10 मिनिटे गॅस मोठा ठेवायचा. आणि नंतर 15 मिनिटे गॅस बारिक ठेवायचा. 25 मिनिटात पिझ्झा तयार होतो. एक पिझ्झा मी मुलांसाठी फक्त चीझ घालून केला होता.

तयार आहे मस्त प्रॉन्स पेस्टो पिझ्झा.