السميت التركي 🤩
منال كمال @manalkamal
السميت التركي 🤩
إفتح في تطبيق كوكبادالخطوات
- 1
اول حاجه هنحط اللبن والماء والسكر والزيت والخميرة ونقلبهم سوا ونسيبهم حوالي عشر دقايق
- 2
وبعدين هنبدأ نحط الدقيق والملح شويه شويه واحنا بنعجن لحد ماهتكون عجينه لينه متجانسة ونسيبها تختمر حوالي ساعه تقريبا
- 3
وفي الوقت ده هنحضر الخليط هنخلط كوب ماء ودبس العنب
- 4
هنقسم العجينه ٨ اجزاء ونعمل كل جزء من العجينه علي شكل حبل طويل وناخد الطرفين ونلزقهم سوا ونبرم ثم نلزق الطرفين مرة تانيه فهتكون ع شكل حلقه
- 5
هنغطس كل قطعه بخليط الدبس وبعدين السمسم وهكذا لحد ما نخلص ٨ حلقات اللي عندنا ونسيبهم ١٠ دقايق يرتاحو
- 6
هنحطهم في فرن ساخن في صنيه مبطنه بورق زبدة لحوالي ٢٠ دقيقه لحد ما تحمر وتكون لونها ذهبي
- 7
بجد طعمها روعه واللي مجربهاش فايته كتير اوي بتتاكل وهي سخنه مع اي نوع جبنه تفضلوه... ان شالله تجربوها ومستنيه رايكم ❣
الكوكسناب
انا من عشاق الطبخ بانواعه هوايتي اني اجرب اكلات مختلفه وجديده من اي بلد في العالم طورت نفسي بنفسي بشوف الطبخ حاجه حلوه اوي فكرة إنك تبذل مجهود وتركز في مقادير وتوقيتات عشان تسعد عيلتك فكرة حلوه جدًا وفكرة إنك تحوّل شوية روايح ونكهات مختلفة لحاجة واحدة حلوة ومتناسقه ومفيدة فكرة عبقرية حاجة بتخليك فخور بنفسك بجد حتى لو الأكل اللي وقفت في المطبخ ساعتين عشان تعمله هيتاكل في عشر دقايق ده مش مجهود ضايع إطلاقًا بالعكس ده سحر مؤثر جدًا وتعبير عن الحب.... بجرب كل حاجه جديده امنية حياتي ان يكون ليا برنامج طبخ واقدم الوصفات اللي بحبها مبسوطه اني انضممت لكوكباد واتمني احقق حلمي من هنا 🙌😍 ونصحيتي دائما ليكو جربو كل جديد التجديد اهم حاجه ^^
اقرأ المزيد... وصفات مشابهة
وصفات ننصحك بمشاهدتها
https://cookpad.wasmer.app/eg/%D9%88%D8%B5%D9%81%D8%A7%D8%AA/13974491
التعليقات