حطى كل مقادير التتبيلة على الفراخ بس من غير الزبادي وقلبيهم كويس.. بعد كدا حطى الزبادي وقلبيهم كلهم مع بعض، وخلى دايمًا الزبادي آخر حاجة فـ التتبيلة عشان متضيعش طعم البهارات، وبعد كدا دخليهم الثلاجة من ساعتين لـ ٣ ساعات..
في الوقت دا حضرى الثومية.

بعد كدا حطيهم فـ صينية وتحتيهم ورق زبدة وحطى حوليهم بصل متقطع وكام فص ثوم صغيرين ودخليهم فرن سخن على درجة حرارة عالية لمدة ١٥ دقيقة لكل جنب، وممكن تشغلى الشواية والبوتجاز مع بعض المهم تأخذ لون من الجنبين.

طلعيها وبسكينة حامية قطعيها شرايح رفيعة مع اتجاه نسيج الفراخ واعصرى عليهم ليمون كبير او اكتر حسب ما تحبى.

بالتومية ادهنى عيش التورتيلا وحطى فراخ زي ما تحبى وممكن تضيفى خيار مخلل أو بطاطس وبالهنا والشفا.