અખરોટને ડ્રાય રોસ્ટ કરી લો. હવે ઠળિયા કાઢેલી ખજૂર અને શેકેલા અખરોટ ને મિક્સર ના જાર માં ઉમેરો.

હવે બન્ને એકદમ સ્મૂથ પેસ્ટ થાય ત્યાં સુધી પીસી લો.

હવે એક બાઉલમાં ફ્રેશ ક્રીમ અને કોફી ઉમેરો અને બરાબર મિક્સ કરો. હવે આ ક્રીમ ને ડબલ બોઈલર થી ગરમ કર્રો. પછી એમાં કાપેલી ચોકલેટ ઉમેરો અને બરાબર મેલ્ટ થઈ જાય ત્યાં સુધી મિક્સ કરી લો.

હવે એક ટાર્ટ મોલ્ડમાં કે પછી એક બાઉલમાં એલ્યુમિનિયમ ફોઇલ સેટ કરો અને એમાં આપણે બનાવેલું ખજૂર અને અખરોટના મિક્સરને પાથરો અને બરાબર હાથેથી દબાવી ને ટાર્ટ બનાવી લો.

હવે ટાર્ટ ની ઉપર બનાવેલું ચોકલેટ અને કોફીનું મિક્સર રેડો. ટાર્ટ ને વધારે પડતો ભરી દેવો નહીં. હવે આ કોફી ચોકલેટ મિક્સરની ઉપર વચ્ચે કાપેલા અખરોટ ઉમેરો. હવે આ કોફી વોલનટ ટાર્ટ ને ફ્રિજમાં બે કલાક સેટ કરવા માટે મૂકી દો.

બે કલાક પછી એને ડી મોલ્ડ કરી કટ કરીને સર્વ કરો. કોફી લવર્સ માટે આ એક પરફેક્ટ ટાર્ટ છે. ચોકલેટ ખજૂર અને કોફીનું આ કોમ્બિનેશન બહુ જ ટેસ્ટી લાગે છે. જરૂરથી ટ્રાય કરવા જેવી રેસીપી છે.