સૌ પ્રથમ બટાકાને કાપીને ધોઈ ને બાફી લો અને પૌઆને પાણીમાં ૨-૩ મિનિટ પલાળી ને પછી તેનું બધા પાણી એક ચારણીમાં નીતારી લો.

બટાકા બફાઇ ગયા પછી પૌઆને વઘારી લો. તેના માટે એક કઢાઇ કે વાસણમાં ૨ ચમચી તેલ મુકો. તેલ ગરમ થઈ જાય પછી તેમાં રાઈ નાખો. રાઈ ફૂટવા લાગે ત્યારે આખા લીલા મરચાં અને હળદર ઉમેરો.

ત્યારબાદ તેમાં કાપેલો કાંદો નાખો અને હલાવો. પછી તેમાં પલાળેલા પૌઆ અને બાફેલા બટાકા નાખો. કાપેલી કોથમીર, કાપેલા મરચાં, સ્વાદ પ્રમાણે મીઠું અને ખાંડ નાખો.

હવે તેમાં લીબું નો રસ ઉમેરો અને બધું બરાબર હલાવવુ. ઢાંકી ને ૫ મિનિટ પકાવો.

ફરીથી બધું બરાબર હલાવવુ. આપણા પૌઆ બટાકા તૈયાર છે ખાવા માટે.એક વાટકો અથવા પ્લેટમાં કાઢીને ધાણા થી સજાવી ગરમાગરમ પીરસો.