ઢોસાના ખીરા માટે રીત
સૌપ્રથમ રવા ને મિક્સર માં પીસી લેવો તેમાં ઘઉં નો લોટ મિક્સ કરી દહીં મિક્સ કરી મીઠું અને જરૂર મુજબ પાણી મિક્સ કરી 20 મિનિટ રાખી મૂકવું. ખીરું થોડું જાડું રાખવું ચપટી સોડા ઉમેરવા.

સ્ટફિંગ ઉમેરી ઢોસા બનવાની રીત
સૌપ્રથમ ઢોસા માટે બનાવેલા ખીરા માં મીઠું અને જરૂર મુજબ પાણી ઉમેરવું(આ ઢોસા બનાવવા ખીરું જાડું રાખવું વધું પાણી ના નાખવું) હવે ગેસ પર ઢોસાની લોઢી મૂકી તે ગરમ થઇ જાય એટલે તેમાં થોડું પાણી અને તેલ લગાવી અને લૂછી લેવું. ગેસની ફ્લેમ સ્લો રાખી ઢોસો પાથરી લેવો.

હવે ગેસ ની ફ્લેમ મીડિયમ કરી ઢોસા પર ઘી અથવા બટર લગાવી તેના પર થોડું કોબી, ગાજર નું છીણ, બીટનું છીણ, કેપ્સિકમ પાથરી તેના પર 1 ચમચી સેઝવાન સોસ, 1/2 ચમચી ટોમેટો સોસ, ચપટી જેટલો - ચાટ મસાલો, લાલ મરચું પાઉડર, પાવભાજી મસાલો, મીઠું નાખી બધું સારી રીતે મિક્સ કરી તેને ઢોસા પર ફેલાવી દેવું. તેના પર ચીઝ છીણી ને નાખવું અને કોથમીર નાખવી.

હવે ઢોસા નો રોલ વાળી તેને ચાર પીસ માં કટ કરી તેના પર ચીઝ અને કોથમીર નાખી ગરમ સાંભર અને ચટણી સાથે સર્વ કરો.