સૌપ્રથમ એક કપ ચા નો કપ હોય એટલી તુવેરની દાળ લઈ અને ધોઈ લેવી. હવે એ દાળમાં ટામેટુ સમારીને ઉમેરી લેવું. ટામેટા ની સાથે જ મેથીના દાણા અને જીરું પણ ઉમેરી દેવું.

હવે કુકર ના ડબ્બા ના ઢાંકણા ઉપર શીંગદાણા પણ બાફવા મૂકી દેવા. ચારથી પાંચ સીટી વાગે ત્યાં સુધી દાળને બફાવા દેવી. હવે બ્લેન્ડર વડે દાળ ને ક્રશ કરી લો ટામેટુ પણ બરાબર ક્રશ થવા દેવું. ત્યારબાદ દાળમાં બાફેલા શીંગદાણા ઉમેરી દેવા.

હવે ફોટા માં બતાવ્યા મુજબ બધા મસાલા તૈયાર કરી લેવા. ત્યારબાદ તેમાં આદું-મરચાંની પેસ્ટ, ગોળ, મીઠું, હળદર પાઉડર,ધાણાજીરૂ ઉમેરી લો.

હવે મસાલા કર્યા બાદ દાળને બરાબર હલાવીને ગેસ ઉપર ઉકળવા મૂકી દો. હવે બીજી બાજુ વઘારીયા માં તેલ મૂકી દો વઘાર માટે. હવે તેલ ગરમ થાય એટલે વઘારીયા માં રાઈ ઉમેરી લો.

હવે રાઈ તતડી જાય એટલે વઘારીયા માં જીરું ઉમેરો અને ત્યારબાદ હિંગ નાખી દો. હવે ગેસ બંધ કરીને લાલ મરચુ વઘારીયા માં નાખીને વઘારને દાળમાં ઉમેરી દો.

હવે દાળને પાંચ મિનિટ માટે બરાબર ઉકળવા દો. દાળ ઉકળવા માંડે એટલે એમાં એક લીંબુનો રસ ઉમેરી દો. ફરીથી દસ મિનિટ માટે દાળને બરાબર ઉકળવા દો. દાળ ઉડી જાય એટલે એને લીલા ધાણા નાખીને સર્વ કરો. તો રેડી છે મસ્ત મજાની ગુજરાતી ખાટી મીઠી દાળ......