حلى الشعيرية على طريقتي الخاصة
#يوميات_رمضان
وصفة جديدة حبيت جربها و طلعت لذيذة و شهية و طيبة كتير
إفتح في تطبيق كوكبادالخطوات
- 1
منحط البسكويت بالخلاط ليصير بودرة و اذا تضل فيا شوية خشونة ما بتفرق منوزعها بقلب الطبق او البايركس يلي عندكن
- 2
منجيب كاسة الحليب و الكريما و منحضرن حسب الطريقة المعتادة و منحطا بالبراد لتسمك وتبرد شوي
- 3
منحط 3 كاسات حليب للبودينك و منحطا ع نار متوسطة منقلب ع مهل لتسمك و تبلش تعطي فقاعات ومنضيف البودينغ شوي شوي فوق طبقة البسكويت مشان تغب الطبقة يلي تحت ومنستنا لتصير أبرد من حرارة الغرفة شوي
- 4
بس بردت البودينغ منطالع الكريما من البراد و منضيفا فوق طبقة البودينغ كمان على مهل مشان ما يختلط الكريما بالبودينك و منحط الطبق بالبراد مدة ساعتين لـ 3 ساعات
- 5
مندوب الزبدة ع نار هادية ومنضيف فوقا الشعيرية ومنضل نقلب ع نار هادية ليحمر لونا و تصير تقرمش
- 6
ووقت التقديم منوزع الشعيرية فوق الكريما وفيكن تزينو متل ما بدكن وصحتين وهنا
وصفات مشابهة
وصفات ننصحك بمشاهدتها
التعليقات