प्रथम कुरडईचा चुरा अर्धा तास पाण्यात भिजवून घ्यावा. कांदा, टोमॅटो, हिरवी मिरची, लसूण बारीक चिरून घ्यावे. कोथिंबीर बारीक चिरून घ्यावी.

एका कढईत तेल गरम करून त्यात, जीरे - मोहरी, हिंग, कढीपत्ता घालून तडतडू द्यावी. त्यानंतर त्यामध्ये कांदा, हिरवी मिरची, लसूण घालून परतून घ्यावे. नंतर टोमॅटो घालून परतून घ्यावे.

नंतर त्यामध्ये हळद, लाल तिखट, खानदेशी काळा मसाला घालावा. चांगले परतून घ्यावे. चवीनुसार मीठ घालावे व परत एकदा परतून घ्यावी. त्यानंतर कुरडईचा चुरा घालून चांगले मिक्स करून घ्यावे. बारीक गॅसवर भाजीला चांगली वाफ येऊ द्यावी व शेवटी त्यावर बारीक चिरलेली कोथिंबीर घालावी. गरमागरम भाजी पोळी सोबत सर्व्ह करावे.