3/4 बटाटे कुकरमधे उकडून घ्यावेत. बटाटे थंड झाल्यावर त्यात चवीनुसार उपवासाचे मीठ व आरारूटची पावडर घालून छान मळून घ्यावे.

आता सारण तयार करून घेऊ या, ओल्या नारळाचा किस, दाण्याचा कुट, काजूचे तुकडे, खिसमीस, साखर, चवीनुसार उपवासाचे मीठ, हिरवी मिरची व आल्याची पेस्ट आणि लिंबाचा रस सगळे एका भांड्यात मिक्स करून घ्यावे. या ठिकाणी चालत असेल तर कोथिंबीरही बारीक चिरून घालतात. मी नाही घातली.....

आता मळून घेतलेल्या बटाटा व आरारूटच्या मिश्रणाची पारी करून त्यात सारण भरून घेऊन पॅटीस गोलाकारात वळुन घ्यावे. नंतर हे पॅटीस आरारूटच्या पावडरमधे घोळून घ्यावे. यामुळे तळताना पॅटीस फुटणार नाही.

याप्रमाणे सगळे पॅटीस करून घ्यावे. कढईत तुप (दाण्याचे तेल चालत असेल तर) गरम करून त्यात पॅटीस मंद आंचेवर छान सोनेरी होईपर्यंत तळावेत.

दही साखर व मीठ घालून फेटून घ्यावे, वरतून जिरेपूड घालून नंतर तयार पॅटीस या दह्या सोबत सर्व्ह करावे....