સૌ પ્રથમ ભીંડી ને ધોઈ ને કોરા કપડાં થી બરાબર લૂછી લો. ત્યારબાદ તેને સમારી લો.

હવે એક લોયા માં અથવા કઢાઈ માં તેલ ગરમ કરો.

તેલ ગરમ થાય એટલે રાઈ અને જીરું તતડાવો.

ત્યારબાદ હિંગ અને લસણ ની પેસ્ટ ઉમેરી લો. હવે સમારેલ ભીંડી ઉમેરી ને મિક્સ કરી લો.

ત્યારબાદ હળદર અને મીઠું ઉમેરો. બરાબર મિક્સ કરી અને ધીમા તાપે શાક ચડવા દો.

થોડી થોડી વારે શાક ને ચમચા થી હલાવતા રહેવું જેથી તળિયે બેસી ન જાય.

ભીંડી ચડવા આવે પછી તેમાં લાલ મરચુ પાઉડર અને ધાણાજીરું ઉમેરો. મિક્સ કરો અને થોડી વાર ચડવા દો.

શાક બરાબર ચડી જાય પછી તેમાં કોથમીર ભભરાવી દો.

તૈયાર છે ભીંડી મસાલા. ગરમ ગરમ શાક ને પીરસો.