إفتح في تطبيق كوكبادالخطوات
- 1
نجيب حله مقاس وسط ونحط فيها قشطة وش اللبن وهي متجمده عادي او ممكن نسبها تفك قبل الاستخدام
- 2
بعد كده نحط معها السمنه أربع معالق السمنه ونشغل البتوجاز علي نار عاديه ونقلب لحد لما تسيح
- 3
بعد كده نستمر في التقليب لحد لما القشطه تسيح كلها وتبدأ تعمل كده
- 4
نفضل نقلب كل فتره لحد لما تبدأ في الغليان
- 5
وهكذا تقليب لحد لما تبدأ تاخد الشكل ده والقشطه تفصل السمنه منها
- 6
ولما تاخد اللون ده مش اكتر من كده بطفي البتوجاز وبشيل الحله علي جنب لما تهدي وتصفي
- 7
بعد لما بتصفي بفضيها في أي علبه او برطمان بمصفه نعمه
- 8
بعد كده بسبها تبرد واحطها في التلاجه عادي وتبقي جاهزه للاستخدام في أي وقت
- 9
ملحوظه دي طريقه للناس اللي مابتحبش وش اللبن أو القشطه اللي بيعملها انا بغلي اللبن عادي واحطه في التلاجه وتاني يوم قبل ما بسخنه باي مصفه نعمه بصفيه بحيث افصل القشطه منه واي علبه منسبه لحفظ الاكل في الفريز بحوش فيها لحد لما تبقي كميه حلوه اعملها بالطريقه دي
- 10
وده اللي طلع منها بعد لما صفتها ممكن نحط عليه حبة ملح صغيره حسب الرغبه والذوق ونكله بالعيش عادي
وصفات مشابهة
وصفات ننصحك بمشاهدتها
التعليقات (9)
كده محتاجة تغلى تانى ولا أصفى السمنه وخلاص كده