३ वाट्या तांदूळ धुवून शिजवून घेतला. शिजवताना २ चमचे तूप घालायचं म्हणजे भात मोकळा होतो. शिजलेला भात एका ताटात मोकळा करून ठेवला.

१ मोठा कांदा आणि २ हिरव्या तिखट ओल्या मिरच्या चिरून ठेवले. १ मोठं लिंबू (Lemon) चा रस पिळून घेतला. कुकर मध्ये ३-४ चमचे खाद्यतेल गरम करून काजू तळून घेतले. तळलेले काजू बाजूला काढून त्याच तेलात शेंगदाणे सुद्धा तळून घेतले. तळलेले शेंगदाणे बाजूला काढले.

त्याच तेलात कढीपत्त्याची पाने - मोहरी - जिरं - हिंग ची फोडणी दिली. २ चमचे उडीद डाळ आणि ४ चमचे पंढरपुरी चणा डाळ तेलावर परतली. पाव चमचा हळद तेलावर फुटू दिली. चिरलेल्या मिरच्या आणि कांदा तेलावर परतून घेतला. चवीनुसार मीठ घालून झाकण ठेवून शिजू दिलं.

शिजवलेला भात ऍड केला. सर्व एकत्र मिक्स करून घेतलं. गॅस बंद करून लिंबाचा रस पिळून घेतला. तळलेले शेंगदाणे आणि काजू घातले. पुन्हा एकदा मिक्स करून भात झाकून ठेवून दिला.
तिखट आंबट चवीचा लेमन राईस तयार :)
~ सुप्रिया घुडे