દાળ ને 2 થી 3 વાર સરખી ધોઈને 2 થી 3 કલાક પલાળી રાખો. કોકમ અને શીંગદાણા પણ પલાળી રાખો.
કૂકર માં સ્ટેન્ડ મૂકીને શીંગદાણા પણ દાળ જોડે 4 થી 5 સીટી લગાડી કુક કરી લો. પાલક ધોઈને રાખી લો. મિક્સર ના નાના જાર માં લઈ 3 થી 4 ચમચી પાણી લઈ પ્યોરી બનાવી લો. 1 વાસણ માં ઘઉં નો લોટ, ચણા નો લોટ, મીઠું, હળદર, લાલ મરચું પાઉડર, ધાણા જીરું પાઉડર, તેલ, અજમો, તલ અને પાલક ની પ્યોરી નાખી લોટ બાંધી લો. સહેજ તેલ ઉમેરી કૂણવી લો.

દાળ નું કૂકર ઠંડુ થાય એટલે ઢાંકણ ખોલી શીંગદાણા ની વાટકી બહાર કાઢી લો. મીઠું, હળદર, લાલ મરચું પાઉડર, ધાણા જીરું પાઉડર અને પાણી ઉમેરી બ્લેન્ડર થી બ્લેન્ડ કરી લો અને ઉકળવા મૂકી દો. બાફેલા શીંગદાણા, પલાડેલા કોકમ અને ગોળ ઉમેરી ઉકળવા દો. લોટ માંથી લૂવા કરી રોટલી વણી લો અને ડાયમંડ શેપ માં કટ કરી લો. બધી ઢોકળી ઉકળતી દાળ માં ઉમેરો અને ઢાંકણ બંધ કરી દો. મધ્યમ આંચ પર 2 સીટી વગાડીને ગેસ બંધ કરી દો. કૂકર ઠંડુ થાય એટલે કોથમીર ઉમેરો.

વઘાર માટે બધી સામગ્રી તૈયાર કરી લો. 1 વાસણ માં તેલ અને ઘી લઇ ગરમ થવા દો. રાઈ ઉમેરો. રાઈ ફૂટે એટલે તેમાં જીરું, બધા આખા ખડા મસાલા, અજમો, તલ, લીમડો અને હિંગ નાખો. વઘાર ગરમ ગરમ દાળ ઢોકળી પર રેડી દો. કોથમીર થી ગાર્નિશ કરી ગરમ ગરમ દાળ ઢોકળી સર્વ કરો.

વધેલા લોટ માંથી થેપલા બનાવી લો. ગરમ ગરમ સ્પિનેચ દાળ ઢોકળી સર્વ કરો.