منحضرالعجينة اولا منحط كاسة الحليب الدافي مع معلقتين اللبن والخميرة والسكر منحركهم منيح ومنتركهم جانبا

منحط النواشف ومنصب الخميرة فوقن وبعدها الزيت منعجن لتندمج المكونات بعدها منحط الزبدة الطرية ومنعجن لتصيرعندنا عجينة طرية لا تلتصق بالايد.. منغطيها ومنحطا بمكان دافي انا حطيتا بالفرن كنت مشغلة عليه قبل ربع ساعة على حرارة منخفضة وبعدها طفيتو وحطيتا

منحضرالحشوة منقلي اللحم مع البصلة المفرومة ناعم وباقي المكونات ومنفرم الفطر منحطه وقت تستوي اللحمة لانو ما بياخد وقت ليستوي..

منخلص الكمية ومنتركا ترتاح شي ربع ساعة او بدون راحة بصير كمان مندهنا ببيضة ومنحطا بفرن حامي وصحتين وهنا على قلبكم

ملاحظة الصينية تدهن بالزيت او بالزبدة خيار شخصي ما بنصح بالسمنة لانو بتخلي الفطيرة مقرمشة من تحت