بسم الله نبداو بالصلصة نقطع البصلة ونحطها تتقلي في مقلاة فيها زيت كيتدبل البصلة نزيدلها الطماطم و الثوم ونقلي شوية حتي الطماطم تخرج الماء تاعها نحيها من فوق النار ونرحيها

العجينة
نحط في اناء الحليب دافيء و البيضة و خميرة الخبز و السكر ونخلط ونزيد الزيت ونحط القليل من الفرينة و الخميرة الحلويات و نزيد الفرينة و نحط معاها الملح ونبقي انزيد فالفرينة حتي نتحصل علي عجينة متماسكة تلصق شوية في اليد و نعجنها شوية و نقسمها علي إثنان و نغطيها ونخليها تخمر

بعد ما خمرة العجينة نرش طاولة العمل بالفرينة و نطرح الخبزة تاعي و نحطها في بلاطو مرشوش بالفرينة و نتقبها بالفرشيطة و نحط الصلصة و نزيد الثونة و الزيتون و الفلفل و الفرماج رابي ونحطها الطيب في فرن مسخن من قبل