मटण स्वच्छ तीन-चार पाण्याने धुऊन घ्यावे. कांदा, तीळ,खसखस, धने जीरे, खडे मसाले तेल घालून भाजून घ्यावे आणि त्याचे वाटण करून घ्यावे. तसेच आले लसूण सांबाराची पण पेस्ट तयार करून घ्यावी.

कुकर मध्ये तेल गरम करून घ्यावे. त्यामध्ये जीरे मोहरी,आलं-लसणाची पेस्ट, कसुरी मेथी कांद्याचं वाटणं घालून मिक्स करून घ्यावे. हळद तिखट गरम मसाला आणि प्रमाणात मीठ घालावे.

सर्व मसाला मिक्स करून तेल सुटेपर्यंत शिजू द्यावे. नंतर मटण घालावे. मटण घातल्यानंतर दहा मिनिटे मसाल्यामध्ये शिजू द्यावे.

त्यानंतर मटना मध्ये दोन ते अडीच ग्लास पाणी घालावे. आणि कूकरच्या आठ ते दहा शिट्ट्या काढून घ्यावेत. मटण शिजल्यानंतर वरून कोथिंबीर घालावा.