أولا نقوم بخلط البيض والسكر مع قرصة ملح وملعقة الفانيلا باستعمال خلاط يدوي او كهربائي حتى يذوب معانا السكر ويصبح لون الخليط مائل للبياض

نضيف الزيت مع التحريك المستمر ثم المايزينة يمكن إضافة مبشور ليمون او برتقال

نبدأ نضيف الفرينة تدريجيا وكيس ونصف من الخميرة الكيميائية ونحرك

نبقى نضيف في الفرينة حتى الحصول على عجينة طرية تلتصق نوعا ما

نضع الخليط كامل في سنيوة نكون غلفت السطح بورق الطهي او الدهن بزيت ونحاول كفاه نوزع الخليط تاعي بالتساوي في السنيوة عن طريق دهن اليد بالقليل من الزيت لتجنب التصاق العجينة فيها

هنا نكون شعلت الفرن، نجيب صفار البيضة ونضيفلو ملعقة صغيرة كاكاو ونصف ملعقة صغيرة فانيلا ونخلط مليح ونصفيهم للتخلص من حبيبات الكاكاو

ندهن سطح العجينة تاعي ونجيب فرشيطة ونعمل بيها خطوط

ندخلو السنيوة للفرن بعد ما نلاحظ احمرار في الجوانب، نطفي من تحت ونشعل من فوق يحمر شوي

بعد ما يطيب ونخرجو من الفرن ندهن السطح بشوية مربى المشمش ليصبح الوجه لامع، ينشف شوي ثم نقطع الحبات الى الشكل لي نحب وتقدري تقطعيه مباشرة بعد ما تخرجيه من الفرن دون الدهن بالمربى

جربوه يا لبنات كروكي راااائع خفيف وهشوش يحمرلكم وجوهكم🥰🥰