نخلط مكونات العجينة مليح و نلمو العجينة بالفرينة باطراف الاصابع حتى تشد روحها و متكونش طرية بزاف باش ميتخسرلناش الشكل

نحل العجينة و نطبع بالشكل لي حبيتو

ندخلها للفرن مسخن من قبل على نار هادية و بعدما تطيب اي تستوي نخرجها

نخلط مكونات الحشو مربى مع شوية كاوكاو و يكون ارطب و شوية حلوة الترك

نلصق كل زوج حبات مع بعضاهم بالحشو حتى نكمل كامل الكمية

نذوب الشوكولاتة على حمام مائي و نضيفلها قطرة زيت من اجل اللمعان فقط و الكوكاو و نخلط مليح

نطلي حبات الصابلي و نخليهم ينشفو و هنا ننصحكم حبوباتي تحطوهم فوق بلاستيك رح يسهل عليكم عملية النزع و في نفس الوقت شوكولاتة لي فلجوانب تبقى نظيفة تنزعوها بسهولة و تعاودو تذوبوها

بعدما ينشفو نزينوهم حسب الذوق و نقدموهم