البراج أو المبرجة حسب بعض المناطق
إفتح في تطبيق كوكبادالخطوات
- 1
في جفنة نحط 4كيلات سميد نضيف عليه كيلة نفس الكيلة من السمن والزبدة الذايبة والزيت الكيلة ما نعمرهاش مليح بالسمن والزبدة ناقصة حوالي كاس نكملوه بالزيت
- 2
نبسس السميد مليح ونحكوه حتى يدخل فيها المادة الدسمة مليح نلمو في جنب الجفنة ونغطيه
- 3
ننظف الغرس ونطريه مليح بالماء ونخليه على جنب
- 4
نرجع للسميد نعاود نحلو في الجفنة ونحطلها كمية من الملح ونلمها بالماء الدافىء تأخذ لي حوالي كيلة ونص بنفس الكيلة.وممكن أكثر أو أقل حسب السميد
- 5
نخليه يرتاح شوية واحد العشرة دقائق ونرجع للغرس إذا يبس نعاود نزيدلو الماء
- 6
نقسم العجينة على اثنين نفرد الاولى شوية ونزيد نقرص الغرس شوية قد العجينة ونحطها فوقها ونقرص العجينة الثانية ونزيد نحطها فوق الغرس ونغطيها مليح من كل الجهات
- 7
نستعمل الحلال ونحل العجينة ما نرققهاش ياسر ونقصها حسب الشكل الموضح في الصورة
- 8
نحط طاجين الحديد لي نطيبوا فيه المحاجب على الطبونة ونقص للنار كي يسخن نبدأ نحط في الحبات ونقلبهم من حين للاخر حتى يطيبو نكمل الكمية كاملة ونقدموه مع اللبن أو قهوة حليب وشهية طيبة
وصفات مشابهة
وصفات ننصحك بمشاهدتها
التعليقات