بعد بسم الله الرحمان الرحيم نبدو:نأخذ كاسرونة نفرغ السكر و نزيد كاس ماء و الكاس تاني نصفه ماء و نصفه ليمون و نضعها على نار متوسطة و نحرك حتى يبدا يغلي نتوقف و نخليه يغلي حتى يصبح لونه ذهبي غامق شوية كما هو موضح في الصور

بعد ليصبح لونه ذهبي غامق شوية نزيد نفرغ كاس ماء و الكاس تاني نصفه ماء و نصفه ماء الزهر و نحرك و نخليه يغلي مدة ربع ساعة و نطفي نخليه حتى يبرد و نفرغه في علبة زجاجية و نحتفظ به لحين الاستعمال يجي روعة فالمداق و القوام

ملاحظة فالمرحلة الاولى نفرغ كاس و نص ماء+نصف كاس ليمون يعني 2 كيسان،و المرحلة الثانية نفرغ كاس و نص ماء+نص كاس ماء الزهر يعني 2 كيسان اي المجموع 4 كؤوس 3 كروس ماؤ و كاس بين الليمون و ماء الزهر و اد خبيتي تكتري الكمية ضاعفي المقادير اي في كيلو غرام من السكر ندير 8 كؤوس،7 ماء و كاس بين الليمون و ماء الزهر في المرحلة الاولى 4 كؤوس،3 ماء و كاس 4 مابين ماء و الليمون و المرحلة الثانية 4 كؤوس،3 ماء كاس 4 مابين ماء و ماء الزهر و اعتدر على كترة الكلام حبيت نفهمكم مليح😁😊😉