पिकलेले चिकू धुऊन आणि त्याचे साल काढून बारीक तुकडे करून घेतले. तुकडे करताना चिकूच्या मधला पांढरा भाग जराही घेऊ नये, त्यातील चिका मुळे घशाला त्रास होतो.

मिल्कशेक बनवण्याच्या पंधरा-वीस मिनिटे आधी एक कप थंडगार दुधामध्ये डेअरी मिल्कचे चार मोठे तुकडे टाकून बाजूला ठेवले, म्हणजे ते दुधात विरघळून राहतील. मिक्सरच्या भांड्यामध्ये चिकूचे कापलेले तुकडे आणि हे चॉकलेट विरघळलेले दूध घालून व्यवस्थित फिरवून घेतले.

नंतर त्यामध्ये दोन टेबलस्पून हर्शीज चॉकलेट सिरप घातले आणि परत एकदा व्यवस्थित फिरवून घेतले. त्यानंतर उरलेले एक कप दूध घालून हे सर्व मिश्रण मिक्‍सरमधून एकजीव करून मिल्कशेक तयार केला. मिल्कशेक सर्व करताना ग्लासच्या सर्व बाजूंनी हर्षिज चॉकलेट सिरप घालून डेकोरेट केले. त्यात चिक्कू मिल्कशेक ओतून वरतून परत चॉकलेट सिरप ने हवी ती डिझाईन काढून डेकोरेट करून थंडगार सर्व्ह करावे. आवडत असेल तर वरतून व्हॅनिला आईस्क्रीम हि घालू शकता.