शेवयांचा उपमा करण्यासाठी वरील साहित्याप्रमाणे सर्व पूर्वतयारी करुन घ्यावी.सर्व भाज्या बारीक चिराव्यात. याशिवाय आणखीही भाज्या आवडीनुसार घालता येते तात.

कढई तापवून त्यात तूप घालावे व शेवया खमंग,कुरकुरीत, गुलाबीसर रंगावर भाजून घ्याव्यात.भाजून झाल्या की एका ताटात बाजूला काढून ठेवाव्यात.

त्याच कढईत तेल घालून जीरे,हिंग,कढीपत्ता घालून फोडणी करुन घ्यावी. आता यावर कांदा घालून मऊ शिजवून घ्यावा.आता यावर बीन्स,ढोबळी मिरची घालून 3-4मिनिटे परतावे.या भाज्या शिजायला थोडा वेळ लागतो.

यावर टोमॅटो घालून एक वाफ आणावी.

शिजलेल्या भाज्यांवर आता भाजलेल्या शेवया घालाव्यात. त्यावर साखर,मीठ व थोडी कोथिंबीर घालावी.परतावे.

पाणी उकळून यावर घालावे.पाणी थोडे थोडे करुन घालावे.जास्त झाल्यास शेवया मोकळ्या रहाणार नाहीत.2-3मिनिटे झाकण ठेवावे व वाफ येऊ द्यावी.

गरम उपमा ब्रेकफास्ट साठी सर्व्ह करावा.