شيش برك
من اكلات الشتاء المميزه ولذيذه وكثير سهلة نقدر نفرزها نطبخها وقت ما بدنا
شيش برك
من اكلات الشتاء المميزه ولذيذه وكثير سهلة نقدر نفرزها نطبخها وقت ما بدنا
إفتح في تطبيق كوكبادالخطوات
- 1
اول شي بحضر للعجين اضيف ثلاث اكواب من الطحين ورشه الملح وببلش اضيف الماء على الطحين بالتدريج حسب الحاجه ثم اضيف ملعقة زيت زيتون حتى تكون العجين طريه واتركها ترتاح ربع ساعة
- 2
احضر الحشوة اللي هي عباره عن اللحمة المفرومه مع البصل بضع مقلاه على الغاز بضع عليها ملعقة كبيره يا زبدة بشوح البصله بالزبده بس تاخذ لون بضيف عليها اللحمة بقلبها منيح واضيف عليها البهارات (فلفل اسود و الملح وبهارات السبعه)
- 3
بعد ما ترتاح العجين بجهز مكان حتى اضع العجين عليه بقطعها لكرات بعدين برش المفرش بالطحين وبنبدا نفرد العجين بالشوبك او باليد
- 4
بعد ما فردت العجين استخدمت كاسة حتى اقطعها الى قطع صغيرة بتقدر تستخدم القطاعه او الكاسه او اي شيء متوفر عندك
- 5
بستخدم كل كميةالعجين تقطيعها الى قطع صغيرة بعد هيك ببلش احشيها بحشوه اللحمة
- 6
شرح طريقة حشو اللحمة بعد ما قطعتها العجين بأخذ القطعة بضعها على طرف اصبعي بقوم باضافه اللحمة وبعدين بسكرها مثل حبةالقطايف
- 7
بعدين بمسك اطراف الزوايا وبدمجهم سوا مثل الصور
- 8
بجهز كل الكميةوما ننسى نرش طحين حتى ما يلزقوا ببعض وبتركها ترتاح حتى احضر اللبن
- 9
بالنسبه للبن طريقة سهلة جداً رح اضع كميةاللبن داخل الطنجره اضيف عليه ملعقة نشا او بيضة حتى اللبن ما يتكتل او يفرط واحركهم على البارد وبضيف ملح ومكعب ماجي
- 10
اضع اللبن على الغاز و اضل احرك اللبن بشكل مستمر حتى يصير القوام كريمي وبس يدفى اللبن ابدأ ضيف العجين الى اللبن حبةحبةحتى ما يلزق ببعض رح تبدا العجين تطفو على وجه اللبن ومدة الاستواء تقريبا 20دقيقه وبضل احرك من الاطراف
- 11
رح نحضر التزيين بالمقلاه اضع ملعقة زبدة واضيف ثوم مفروم ناعم ثم كزبره مفرومة ناعمه
- 12
بعد ما اسبك الثوم والكزبره بضيفهم فوق اللبن بتعطيها نكهه كثير زاكيه
- 13
نقدر نقدمه مع رز او لحاله
وصحتين والف عافيه 😋😋
وصفات مشابهة
وصفات ننصحك بمشاهدتها
التعليقات