طريقة التحضير جد سهلة نحكمو البطاطا تاعنا بعد مانكونو غسلناها و قصيناها دوائر نقليوهم في الزيت نص طياب. من بعد نذبلو البصل في شوي زيت و ملح و كي يذبال مليح نزيدولو التوابل و الثوم و نخليوها تتكرمل.

في كسرونة نحضرو صلصة البيشاميل نذوبو زوج مغارف زبدة و نضيفولهم زوج مغارف فرينة و نحركو حتى تولي عندنا عجينة نضيفولها الحليب حتى تخثار مع التحريك في الاخير نديرو الملح و كمية من الجبن المبشور و الثوم.

في صينية (بلاتو زجاج أو اي بلاتو) نسقيو بالبيشاميل و نديرو طبقة بطاطا و بيشاميل و جبن مبشور و فوقها البصل و نكملو بهاذ الطريقة حتى تخلاص الكمية.