प्रथम सर्व भाज्या उभ्या कट करून घ्या. लसुन ठेचून घ्या.

एका प्लेटमध्ये नाचणी पीठ व ज्वारी पिठात चवीपुरते मीठ टाका. तव्यावर पाणी टाकून गरम झाल्यावर पिठात टाका. व भरपूर मळून घ्या. चांगले मळल्यामुळे पीठास मऊपणा येतो. प्लेटमध्ये थोडेसे नाचणी पीठ भुरभुरून भाकरी जाडसर थापून घ्या. भाकरीच्या दोन्ही बाजू भाजून झाल्यावर गॅसवर फुगवून घ्या.

भाकरी किंचित गरम असताना फुगलेल्या भाकरीचा वरील भाग अलगदपणे चाकूने कट करून घ्या. एका बाऊलमध्ये शेजवान चटणी व टोमॅटो सॉस मिक्स करून भाकरीचा पापुद्रा काढलेल्या भागात लावून घ्या.वरील पापुद्रा लावून वरील बाजूस तयार सॉस व अमूल बटर लावून घ्या.

त्यावर चिरलेला कांदा, सिमला मिरची, कोबी, ठेचलेला लसूण, टोमॅटो सगळ्या भाज्या एकावर एक त्यावर पनीरचे तुकडे टाका. व शेवटी भरपूर चीज किसून घ्या.

गॅसवर निर्लेप तवा ठेवून त्यावर बटर टाका. नंतर तयार नाचणी पिझ्झा ठेवून झाकून मिडीयम गॅसवर तीन ते चार मिनिट ठेवा. चीज थोडेसे वितळते. नंतर एका प्लेटमध्ये काढून घ्या. आपला अत्यंत पौष्टिक हेल्दी पिझ्झा तयार....

डिश सर्व्ह करताना - तयार नाचणी पिझ्झा त्याबरोबर टोमॅटो सॉस ठेवून सर्व्ह करा. यात भरपूर प्रमाणात विटामिन्स, कॅल्शियम, मिनरल्स मिळतात. असा हा नाचणी पिझ्झा लहान व मोठ्यांना आरोग्यवर्धक आहे.तुम्हीही नक्की करून पहाल....