દૂધને ગરમ કરી તેમાં વિનેગર ઉમેરી દૂધ ફાડી અને જે રીતે પનીર બનાવીએ છીએ તે રીતે પનીર બનાવી લો. પનીર બની જાય એટલે તેમાંથી બધું વધારાનું પાણી નિતારી લ્યો. એકદમ ડ્રાય ન કરવું.

હવે 1 ચમચી પાણીમાં લીંબુના ફૂલ અને સોડા ઉમેરી બરોબર મિક્સ કરો. હલાવશો એટલે ખૂબ ફીણ થશે હલાવતા રહેવું લગભગ 3 થી 4 મિનિટમાં પાણી એકદમ ક્લિયર થઈ જશે બધા ફીણ બેસી જશે ત્યારબાદ તેમાં મીઠું ઉમેરી જરૂર મુજબ ફૂડ કલર ઉમેરવો એક થી બે ટીપા. (કલર ઓપશનલ છે)

હવે મિક્સર જારમાં બનાવેલું પનીર બટર દૂધ અને સોડા અને લીંબુના ફૂલ નું મિક્સચર ઉમેરવું અને તેને ક્રશ કરી સ્મુધ પેસ્ટ બનાવવી. આ પેસ્ટને ડબલ બોઇલર મેથડથી મીડીયમ તાપે 15 મિનિટ કુક કરવું. આમ કરવાથી એક સ્મૂધ જાડી પેસ્ટ જેવું તૈયાર થશે.

હવે એક પ્લાસ્ટિક ના કન્ટેનરમાં બટર પેપર મૂકી આ મિશ્રણ તેમાં ઉમેરી દેવું બટર પેપર ડબ્બાની બંને સાઈડથી બહાર રહે તે રીતે રાખવું જેથી અનમોલ્ડ કરવામાં પ્રોબ્લેમ ના આવે. ડબ્બામાં મિશ્રણ મૂક્યા બાદ ઉપરથી પ્લાસ્ટિકની કોથળી થી કવર કરવું. અને ફ્રીઝમાં છ થી સાત કલાક માટે સેટ થવા મૂકવું.

ત્યારબાદ તેને ડબ્બામાંથી અનમોલ્ડ કરી કટ કરી લેવું જરૂરિયાત મુજબ ચીઝ નો ઉપયોગ કરી શકાય. આ ચીઝ એક વિક માટે ફ્રીઝમાં સારું રહે છે.