في جفنة ندير لماء والحليب دافين نضيفلهم سكر ولخميرة الكيميائية ونخلط نضيف زيت وكاس فرينة والملح ونخلط ونضيف لكاس تاني نتحصل على عجينة تتلاصق واذا حتاجت كثر ضيفولها ملعقتين لمهم نتحصل على عجينة تتلاصق نخليها تختمر مليح

نهبطلها لخمور ونشكلها كرات صغار وندير بول في لوسط باش يسهل عليا نشكل لهلال ونبقى نرتب في لكرات ونخليها تختمر لمرة تانية مليح مليح

ندهنلها لوجه بصفار لبيض والخل وننزع لبول هداك ندخلها الفرن ونخليها حتى تأخذ لون ذهبي شهي
نكون قطعت لمعدنوس رقيق ضفتلو زيت الزيتون ودهنتو من لفوق ياختي على ديك لبنة