بالصينية ارص البسكوت المطحون والي خلطته بالزبدة وحطيت فيه شوية ماء زين.

بالخلاط الكهربائي نحط الجبنة الكريمة ونخفق وبعدين نص علبة كريمة الخفق الخاصة بالحلويات ونخفق لين ما يصير متماسك وثقيل. من هنا بتضيفون كريمة حامضة أو قشطة وعصير ليمون 🍋 مو مشكلة بس ليمون فرش انتم تعصرونه ولا تبالغون مجرد نص كوب… بعدين نضيف السكر ونجرب الكريمة بتكون لذيذة ومائلة للحموضة بس مناسبة ترا.

نحط الصوص على البسكوت… و نغطي الصينية لمدة يوم كامل على الأقل 12 ساعة بس نصيحة كل ما بقى أكثر كل ما كان ضابط أكثر المهم ركزوا بالخفق ومدة تركه بالثلاجة بعدين الخطوة الي بعده تعتمد على ذوقكم إذا حابين تأكلونها جي أو طبقة ثالثة ممكن تزينونه بالفواكه بس وممكن تذوبون شوكلاهه بس ما تحطونه ساخن على الصوص الأبيض تحطونه من تهدئ الحرارة ويبرد … أو ممكن تسون جيلي وتحطون بتركيز نحط (ركزوا بعد أكيد ما بحطه وهو ساخن :) ) الموضوع أنتم تقررون شو تفضلون ✨.

بألف عافية عليگم مقدمًا.

ما شاء الله
سبحان الله
الحمدلله
أستغفر الله
لا إله إلا الله
🤍✨🤍✨