فى حله كبيره لو هتعملى الكميه يبقى اكتر من حله املى نصها ميه من غير اى شىء ولما تبدأ تغلى أنزلى بالليمون وهدى النار عليه وتابعى لحد ما يقرب يوصل للسواء

عشان توقفى سواه انزلى عليه بالماء البارد لحد ما يبرد

احشى بالخليط وبين كل رصه ليمون حطى فلفل مقطع أو سليم بس الافضل مقطع ورشه خلطه

لحد ما تخلص الكميه تعملى محلول التخليل من ميه الليمون نفسها وازبطى الملح وضيفى الهريسه الحاره وعصير الليمون والخل وقلبى كويس جدا ودوقى انا بحب ادوق علشان اعرف درجه ملوحه الميه

وضيفى لحد ما تغطى الليمون ودوسى لتحت عليه غطى بالزيت ع الوش ومن فوق غلفى باسترتش أو كيس واقفلى الغطا أو العلبه ف مكان ظلمه هما ٥ ايام وافتحى وبالف هنا ❣️

تركايه صغننه علشان تحافظى عليه تطلعى منه بايدك جافه والافضل تلبسى كيس...لانه ده اللى بيخلى أى حاجه فى التخليل تبوظ الميه والفتح عليه بطريقه غلط وخليه فى التلاجه بعد ما يتخلل جامد

احتفظى بميه سلق الليمون واستخدميها فى التخليل هتخلى أى حاجه تعمليها قمررر 😋 فرزيها دى بقى مطهر ومعطر بالذات ميته دى كنز حتى الالمونيوم بتلمعها....اما ميه تخليله نفسها بعد ما يخلص تقدرى تخللى فيها مشكل مخلل او أى نوع هتبقى حلوه و جميله جدا