مكرونه بشاميل بالفراخ
زي عادتي خفيفه علي المعده علشان اللي بيعاني من الم المعده زي حالاتي
مكرونه بشاميل بالفراخ
زي عادتي خفيفه علي المعده علشان اللي بيعاني من الم المعده زي حالاتي
إفتح في تطبيق كوكبادالخطوات
- 1
نحضر الفراخ البانيه ونقطعها مربعات صغيره ونجهزها في طبق،،،،ونقطع الفلفل مربعات صغيره ونجهزه في طبق اخر
- 2
ثم نخرط البصل ونضعه علي النار في معلقتين سمنه ونقلب لغايه مالونه يصفر شويه نقوم حطين الفلفل ونقلب تقلبتين ونحط الفراخ ونقلب كويس ونوطي النار لحد مالفراخ تشرب مايتها وتستوي وعند قرب الاستواء نضع فص مرقه ونقلبها وننزلها من علي النار
- 3
طبعا هنكون سلقين المكرونه نص سوا ومجهزنها
- 4
نبتدي نحضر البشاميل،،،
- 5
هنجيب حله ونضععها علي النار ونضع فيها 4 معالق سمنه وعندما تسخن السمنه نضع 4 معالق الدقيق ونقلب سريعا
- 6
(لوطلعت ماسكه نحط شويه سمنه لحد ماتفك لو طلعت سايله اوي نحط شويه دقيق) ونقلب سريعا لغايه مانحس ان لونها اصفر نقوم دلقين كوبايه اللبن ونقلب سريعا علشان متمسكش مننا وبعدين نقوم بوضع كوبايه ونص الشوربه ونقلب جيدا لحد ماالخليط يتجانس مع بعضه ويمسك شويه
- 7
(لوطلعت تقيله اوي نزود شويه لبن) لانها الاحسن تكون خفيفه وبعدين نحط شويه ملح صغيرين وندوق لو عازت ملح نحطلها وبعدين نقلبها تقلبتين علي النار وننزلها
- 8
وبعدين نحط عليهم 3 بيضات ونضع شويه ملح صغيرين ونقلب سريعا لغايه مايتجانسوا مع بعض ونجهزها
- 9
نجيب المكرونه ونضع النص الاول في طبق وناخد معلقتين من الكريمه ونحطهم علي المكرونه ونقلبهم بتديها طعم حلو لما بتستوي وعن تجربه
- 10
نكون مجهزين صينيه مقاس26 ودهنينها بالسمنه ونضع فيها رشه دقيق علشان المكرونه متلزقش
- 11
نقوم وضعين المكرونه في الصينيه ونجيب الفراخ ونفردها عليها لحد متتغطي كلها
- 12
وبعدين نجيب نص المكرونه التاني ونحط عليه برضه معلقتين كريمه ونقلبها ونرصها علي بقيه الصينيه لغايه مانغطي الفراخ كلها
- 13
ثم نجيب الكريمه ونقلبها علي الصينيه ونوزعها بالمعلقه
- 14
هنقوم بتسخين الفرن قبلها بربع ساعه وندخلها الفرن
- 15
وتخرج وتقدم وبالف هنا
الكوكسناب
وصفات مشابهة
وصفات ننصحك بمشاهدتها
التعليقات