نغسل صدور الدجاج منيح ومننقعون بميه وملح وشوية خل عشر دقايق

منترم البصله والفليفله الخضرة والبندورة

بالطنجرة منحط زيت مازولا ومنضيف عليها البصله لحتى تدبل منضيف صدر الفروج منحركون شوي مع بعض بعدين منضيف البندورة والفليفله الخضرة والملح والفلفل والكاري والعصفر والزنجل والمطيبات ومنحركون مع بعض منيح بعدين منضيف ميه سخنه لحتى نغمرون ومنتركون لحتى يغلوا منيح مع بعض بعدين منهدي الغاز ومنغطي الطنجرة ليستوي صدر الفروج وكل شوي منكشف عليها لنشوف اذا محتاجه ميه

طبعآ نحنا منكون ناقعين الرز بميه عاديه مع اضافه رشه ملح حوالي ساعه

بعدما يستوي صدر الفروج منشيلوا ع جنب ومنضيف الرز فوق الميه ومنفت صدر الفروج ومنضيفوا فوق الرز ومنقوي الغاز لحتى تنشف الميه ويبين الرز منهدي ومنغطي لحتى يستوي

منصبوا بصحن التقديم ويقدم بجانب اللبن بخيار او السلطه حسب الرغبه

ممكن اضافه الجزر والبطاطا مع الكبسه حسب الرغبه