علي نار متوسطة نشوح البصل في السمن كويس لحد ما يكون لونه ذهبي فاتح ونضيف الثوم ونقلب ونضيف الكبده ونضيف معاها عصير الليمون ونقلب كويس لحد ميبقاش فيها ماء خالص نكون غسلين الرز ومتصفي كويس ونضيفه ونقلبهم مع بعض كويس جدا ونضيف التوابل كلها مع نص معلقه من الملح والفلفل الاسود والكمون كده الخلطه جاهزة

نفرد الوراك كويس ونضيف معلقتين كبار او ثلاث معالق من خلطة الارز(حسب حجم الورك) ونلف الاطراف علي بعض ونثبتها بالخلة بتاعه الاسنان لحد ما نقفلها كلها ونكرر العمليه في كل ورك ونقفلهم ونضعهم في صنيه عالية ونخلي الجزء المقفول لتحت ونضع عليهم لتر ونصف ماء ومعاه باقي الملح والفلفل والكمون وورق اللورا وقشر الليمون المعصور سابقا

ونضعهم علي نار عالية لحد ما تغلي ونهدي النار نخليها متوسطة ونراقب الماء لو احتاجت نضيف كوب او اثنين ماءبس يكون ساخن لحد اما ندخل فيها الشوكه تدخل وتخرج بسهوله كده ممكن ترصيهم في صنيه ثانيه ونحمرهم في الفرن من كل جهه انا بعملهم كده عشان تبقي صحيه واخف بس لو حبيتو تحمرو في سمن براحتكم😇