هنجيب الماء اللي سقعناها وهنحط عليها الكريم شانتيه وكوب سكر بودرة

وهنضرب بالمضرب الكهربائي لحد ما الكريم شانتيه يتماسك

هنقسم الكريم شانتيه الى اربع اجزاء كل جزء منه هتحطي عليه طعم اللي تحبيه

انا عملت بطعم المانجا عملت بيوري مانجا وبعد كده قلبته مع الكريم شانتيه وحطيت عليها علبة ايس كريم بطعم مانجا وقلبتهم كويس وحطيتها في علبة في الفريزر على طول

وعملت بالكريم كراميل جبت نص لتر لبن وعليه علبة الكريم كراميل وثلاث ملاعق كاسترد بودرة وثلاث ملاعق كسر وقلبت كويس لحد ما السكر داب وبعد كده رفعتهم على النار مع استمرار التقليب لحد ما تحصلي على قوام كريمي بعد كده بتطفي عليها وتسيبيها لحد ما تبرد خالص بعد ما بردت بتضيفي عليها الكريم شانتيه وتقلبي كويس لحد يختلطوا تمام وتدخليها الفريزر

ممكن تعملي بالفراوله بتعملي بيوري فراوله وبتضيفي لي كريم شانتيه وبعد كده بتحطي في العلبه وفي الفريزر على طول

وعملت بالشوكولاته جبت الكريم شانتيه وحطيت عليه كاكاو خام وشوكولاته خام وقلبتهم كويس وشلتهم في علبة وحطيتهم في الفريزر