بوريك الافران
سهل وسريع وينفع للفطار وللعشاء ويا سلام لو جنبه كوب شاي بلبن 😋
بوريك الافران
سهل وسريع وينفع للفطار وللعشاء ويا سلام لو جنبه كوب شاي بلبن 😋
إفتح في تطبيق كوكبادالخطوات
- 1
اول حاجه هنختبر الخميره هنجيب نص كوب ميه دافيه عليها ملعقة السكر وكيس الخميره وهنقلبهم كويس ونسيبهم لحد ما الخميره تختمر بعد كده نجيب وعاء كبير وهنحط فيه المكونات الجافه اللي هي عباره عن دقيق لبن بودرة بيكنج بودر ورشه الملح هنقلبهم تقلبتين وبعد كده هنضيف الزبادي والخل والصلصة والزيت والخميره وكوبايه ميه دافيه هنعجنهم كويس لحد ما تتشكل معانا عجينه لينه
- 2
هنسيبها لحد ما تختمر
- 3
بعد كده هنجيب الحاجه اللي هنفرد عليها العجينة ونرش عليها شويه دقيق ونجيب العجينة ونقسمها نصين اول نص هناخده نفرده وهنقطعه دوائر بالكوبايه بالشكل ده
- 4
والصينيه اللي هنخبز فيها بتكون مدهونة زيت
- 5
وبعد كده بنأخذ كل دواريه وبنحط لها جبنة وعليها حبةالبركه وانا بفضل الجبنة القديمه وهتكون بالشكل ده
- 6
بعد كده بنقفل العجينة على بعض زي القطايف وهتكون شكلها كده
- 7
بعد ما قفلنا العجينة بنديها لفه بسيطه بايدينا وبنحطها بعد كده في الصينية المدهونه زيت
- 8
بعد كده هندهن الوجه بتاع العجينة اللي هو عباره عن نص كوب ميه ومعلقه لبن بودرة ومعلقه سكر ونقلبهم مع بعض كويس وندهن الوجه بمعلقه سيليكون وبعد كده هنرش عليها حبةالبركه
- 9
وكل صينية بتخلصيها بتغطيها تختمر تاني بعد كل صينية ما اتخمرت بتدخليها فرن درجه حراره على 180 بتستوي من تحت بعد كده بتطفيه وبتشغلي الشوايه عشان تاخذ لون ذهبي
وصفات مشابهة
وصفات ننصحك بمشاهدتها
التعليقات