اول حاجه بنعملها بنحضر الكاسترد بنجيب اللبن وبنحطه في حله ونشغل عليه النار لحد ما يسخن بنطفي عليه ونضيف له والسكر ونقلب لحد ما السكر يذوب بعد كد وبنجيب طبق على جنب نحط فيه الكاسترد وشويه ميه نقلبهم لحد ما يذوب وبننزل بيهم على اللبن ونرجع نشغل النار تاني على اللبن ونقلب لحد ما نحصل على قوام متماسك لو حسيتي القوام خفيف معاكي ممكن تزودي كاسترد تاني بتكون مدوبه برده في ميه

بعد كده بنجيب الكنافة نكون حاطينها في الفريزر مسبقا لحد ما تتجمد بعد ما متجمده معانا بنطلعها ونحطها في الكبه ونضربها لحد ما تتفتفت معانا خالص بعد كده بنحطها في طبق وبننزل عليها بالسمنه السايحه وبنقلبها كويس لحد ما الكنافة تتشرب السمنه وبنحط لها ربع كوب سكر

بعد كده بنجيب صينية اللي هنفرد فيها الكنافة بتكون مدهونة سمنه وبنحط طبقة من الكنافة نفردها كويس بعد كده بنحط الكاسترد وبعد كده نحط طبقة ثاني من الكنافة على الوجه وندخلها درجه حراره 200 ونفضل متابعينها لان الكنافة بتتحمر بسرعه جداً بعد ما الظروف معانا بتتحمر بنطفي عليها ونشغل عليها الشوايه عشان تاخذ لون ذهبي

طريقة تحضير الشربات بنحط السكر والماء مع بعض في الحله ونص الليمونه ونشغل عليهم النار واول ما الماء بتغلي بننزل عليها بمعلقه عسل الجلوكوز وما نقلبهمش خالص عشان ما يخلصش معانا بنسيبهم لحد ما ياخدوا قوام تقيل بنقفل عليها وبنحط لها ملعقة الفانيليا السمنه نقلبهم بعد كده بننزل بيهم على الكنافة والشربات ساخنه والكنافه ساخنه