هانحط مكونات العجين مع بعض ماعدا الزبده و نعجن و طبعا المحسن اللي هانعملو قبل العجين بوقت دا هايخلي السينابون ف حته تالته خاالص حتي لو قعد عندك اسبوع هاتبقي برضو طريه و هشه جدااااا.. هانبدا نلم العجينه بالزبده و نعجنها تاني و نخليها تخمر ساعه

هانبدا ناخد العجينه و نفردها كويس و ندهنا الزبده و نرش عليها خليط السكر و الكاكاو و القرفه و نبدا نلفها الشكل المعتاد انا هنا عملتها ف قالب التوست و حقيقي كانت روعه بعد ما عملتها رول قصيتها من النص و ضفرتها و حطيتها ف القالب وخليتها تخمر و بعدين دهتنها زبده و دخلتها الفرن لحد ما استوت و كمان اخدت اللون الدهبي الخطير

الجليز بقي :: ف الخلاط حطيت كل المكونات و ضربتها كويس و القوام انتي بتتحكمي بيه براحتك عايزا تقيل تمام و دا الاحلي طبعا عايزا تخفي زودي لبن براحتك.. أول ما يطلع السينابون من الفرن وهو سخن حطي عليه الجليز يسيح ويدي الطعم اللذيذ 😋 و بالهنا و الشفا يا حلوين 👌🏻