نأخذ الفرينة نحمصها في الفرن او في مقلاة حتى يصبح لونها بني فاتح ثم نغربلها ونخليها بجهة تبرد

نخلط السمن مع السكر وقرصة الملح والفاني مليح حتى يصبح لونه اصفر فاتح نضيف الكوكاو ونخلط شوية ونضيف الفرينة بشوية ونخلط بكف اليد(كلي نبسس كيما المقروط) حتى تتلم ونتحصل على خليط متماسك (نقدر منديرش كل كمية الفرينة ومرات تبقى حوالي نصف كيلة) نحطها فوق كيس ونحلها بسمك حسب الرغبة ونطبع شكل هلال

كل ما نشكل وتبقى العجينة نعاود نحكها بين بالكف ونشكلها كرة سطحها املس نبسطها ونحلها ونطبع حتى نكمل كل الكمية نحطهم فوق بلاطو مفرش بوق طبخ او مرشوش بفرينة وندهن السطح بماء ونرش بيستاش او كوكاو مرحي متوسط وندخلها المجمد 15د ثم ندخلها مباشرة الفرن مسخن على 160° مدة 20الى 25د ثم نخليها تبرد مليح باه نحيها من الصينية ونزينها بوردات ونقدمها