ف حله كبيره هانحط الميا تغلي عشان نسلق الكرنب و بعدين هانضيف عليها الكمون و نخليها تغلي و نبدا نسلق الورق كويس بس ما نهريه عشان نعرف نلفو.. هانجهز الخلطه و نحط ف الحله البصل المبشور خشن شويا هانشوحهم ف السمنه لخد ما يدبلو شويا و بعدين ننزل عليهم بالتوم و الفلفل الحامي بعد ما دقيناهم ف الهون و نقلب اول ما ريحتهم تتطلع ننزل بعصير الطماطم و نخليه لحد ما يتسبك مع التقليب المستمر طبعا و ياريت نضيف 2 مكعب مرقه مع الصلصه دي.. نخليها لحد ما تتسبك و بعدين نطفي عليها تبرد براحتها

هانغسل الخضار و نقطعو كويس و نضيف عليه الرز المغسول و نضيف كل البهارات بتعت الخلطه دي و نقلبهم ف بعض كويس. وبعدين ننزل عليهم بالصلصه اللي اتسبكت و نقلبهم و بكدا تكون الخلطه جاهزه نركنها ع جنب و نعمل الفراخ

هاناهد البصله المبشوره ناعم و نبرها بالملح و اافلفل الاسود و البهارات و رشه القرفه و ندعهكم بالفراخ و نخليها اشويا و ممكن نتبل الفراخ من قلبها بوقت و طبعا هاد الاحلي 👌🏻 هاناخد الفراخ ع الجريلا تاخد نص سوا و كمان تاهد لون دهبي حلو كدا.. هانرص الفراخ ف قاع الحله اللي هانعمل فيها المحشي... و هانبدا نلف المحشي و نرصو بكل حب كدا

لما نخلص كل الكميه نحط الاعواد بتعت الكرنب ع الوجه و نضيف مكعب مرقه مع م كبيره صلصله و كمان دبس رمان.. عشان نسقي المحشي بقي ف الخلاط هانحط الطماطم مع المرقه مع الميا مع دبسالرمان و شويا ملح و نخلطهم كويس و نحطهم ع المحشي و نخليه لحد ما يغلي و بعدين نوطي عليه النار كويس و نسيبو لحد ما يستوي و بعدين اود ما يخلص ع طول نقلبو و نقدمو و بالهنا و الشفا يا حلووين 👌🏻✨