سندوتشات كبده بلدي
كبده بلدي بالبصل والفلفل والتوم جميله وخفيفه اوي عالقلب والمعده 🫶
إفتح في تطبيق كوكبادالخطوات
- 1
هنبدأ معلقتين او ٣ معالق زيت ولما يسخنو هنحط ٢ بصله متوسطه ناعمه في الكبه ونهدي النار عشان البصل يتشوح براحته خالص ويدبل ولونه يبقي دهبي محمر شويه ولازم يتشوح على نار هاديه مع التقليب عشان منحتاجش زيت كتير وتكون خفيفه وصحيه اكتر (التفاصيل دي للي مهتم بانها تكون دايت وخفيفه وطعمه فنفس الوقت)
- 2
بعد مالبصل يتشوح ويبقي محمر شويه هننزل بالفلفل الرومي وواحده من الفلفل الحامي مضروبين في الكبه وناعمين ونقلبهم ونشوحهم بسيط مع البصل
- 3
بعد مالبصل اتشوح وقلبنا الفلفل معاه و دبلناه هنعلي النار وننزل بالكبده نصدمها ونقلبها مع الفلفل والبصل لحد ما تغير لونها وهنحطلها الملح والكمون والكزبره
- 4
هنزود كوبايه مايه ونهدي النار ونغطي ونسيب الكبده تاخد من طعم البصل والفلفل وباقي المكونات
- 5
في الكبه هنحط ٤ فصوص توم كبار مع مرقه دجاج مع فلفل اسود وواحده من الفلفل الحامي ونضربهم ننعمهم ونضيفهم على الكبده ونقلبهم معاها ونغطي ونهدي النار تماما ونسيبها بأه لحد ما مايتها تنشف
- 6
هنقدمها مع العيش الفينو او اي نوع عيش تحبوه ومخلل وبألف هنا
كلمات ذات صلة
وصفات مشابهة
وصفات ننصحك بمشاهدتها
التعليقات
💙