إفتح في تطبيق كوكبادالخطوات
- 1
توضع اللحمة مع حلة و بزيت ونقلبها لخد ما لونها يتغير والماية الي فيها تروح وانزل عليها بالبصل متقطع قطع صغيرة واضيف البهارات (ملح وفلفل و ٧ بهارات) واضيف عليها الصلصة واوطي عليها واسيبها لحد ما تستوي والصلصة تنشف شوية
- 2
هنسلق المكرونة بتاعتنا ونرش عليها رشة زيت ونسيبها لحد ما تستوي خالص معانا ونصفيها وناخد كباية من سلق المكرونة
- 3
صوص البشاميل : في حلة زيت علي معلقتين سمنة وننزل عليهم بالدقيق ونقلبه كويس لحد ما يصفر وننزل عليه باللبن ومعاه كباية سلق المكرونة ونقلبهم كويس وننزل عليهم ب ٣ قطع جبنة نستون نقلبهم كويس بردو ونضيف ليهم البهارات الفلفل والملح
- 4
لو الصوص بتاع البشاميل مكتل معانا نستني لم يهدي معانا ونضربه في الخلاط هيبقي سايل معانا وجميل
- 5
ننزل ب نص الصوص بتاع البشاميل تدريجيا علي المكرونة ونقلبهم كويس ونظبط الملح والفلفل
- 6
في صينية مدهونة مادة دهنية انزل فيها ب مغرفة من الصوص واوزعها بعدين انزل ب نص كمية المكرونة وعليها رشة جبنة موتزريلا واوزعها كويس واضيف عليها اللحمة وافردها وانزل بالجزء الباقي من المكرونة وعليه باقي الجبنة الموتزريلا بعدين اخد مغرفتين من صوص البشاميل واوزعه عالوش كويس وعليها معلقتين سمنة
- 7
ادخلها فرن تتحمر من تحت علي درجة حرارة ١٨٠ وبعدين احمرها من عالوش وبس كدا بالف هنا 🤭♥
كلمات ذات صلة
وصفات مشابهة
وصفات ننصحك بمشاهدتها
التعليقات