اول شي بغسل الفريكة وبعدين بحمصها بالسمن الحيواني والقليل من زيت الزيتون واذا في القليل من اللية اطيب.. وبكون سالقة الدجاج او اللحمة وبنقع الفريكة بمرقة الدجاج الساخنة شي ساعة بدون غاز ولازم تكون المي أعلى من الفريكة بشوي

للصراحة انا مابحط عيارات للمي لان ممكن تحتاج اكتر من الكمية المكتوبة وبنضيف القليل من الماء عند الحاجة و بنغطي الطنجرة جيدا..وبعد ساعة بشغل الغاز و بضغطها بالبرسيتو او (طنجرة البخار) بعد ماحط عليها ملح وفلفل والوقت حسب كل طنجرة ضغط..انا حطيتها 4 دقايق.. وبتطلع ولا اطيب

الدجاج بسلقه طبعا وبشيل الزفر وبحط المنكهات متل البصل والقرفة والهيل وبعد مايستوي بشيله من المي و بحط عليه رشة ملح وفلفل اسود والقليل من معجون الطماطم المخلوطة مع لبن وكركم وزيت زيتون وعالفرن ليتحمر وبالآخر طبعا بحمص اللوز المقشر بالقليل من السمن وصحة وهنا..ممكن ناكل جنبها سلطة او لبن وخيار